1960-ანი წლების მიწურულს საბჭოთა კავშირში დადგა მცირეგაბარიტიანი თვითდამტენი პისტოლეტის შექმნის საჭიროება, რომელიც სპეციალურად შინაგან საქმეთა სამინისტროს (МВД) და სახელმწიფო უშიშროების კომიტეტის (КГБ) ოპერატიული თანამშრომლებისთვის უნდა შემუშავებულიყო.
ზემოაღნიშნულიდან გამომდინარე 1970-ანი წლების დასაწყისში გაიმართა კონკურსი, რომელშიც გაიმარჯვა ახალ ცენტრალური აალების ვაზნაზე 5,45x18мм МПЦ გათვლილმა მცირეგაბარიტიანმა პისტოლეტმა სამუშაო სახელწოდებით ТКБ-087. აღნიშნული პისტოლეტი 1972 წელს შეიარაღებაში მიიღო ჯერ სახელმწიფო უშიშროების კომიტეტმა (КГБ), ხოლო რამოდენიმე დღის შემდეგ შინაგან საქმეთა სამინისტრომ (МВД). პისტოლეტს შეიარაღებაში მიღებისას მიენიჭა სახელწოდება ПСМ.
მოგვიანებით მცირეგაბარიტიანი ПСМ-ით დაინტერესდა საბჭოთა კავშირის თავდაცვის სამინისტროს მთავარი სარაკეტო-საარტილერიო სამმართველო (ГРАУ- Главном ракетно-артиллерийском управлении), რომელიც სამეთაურო შემადგენლობისთვს ე.წ. კომსასტავისთვის ეძებდა მაკაროვის საშტატო პისტოლეტზე (ПМ) უფრო მცირე ზომის პისტოლეტს. 1976 წლის მარტში და აპრილში ПСМ-მა გაიარა სამხედრო გამოცდები და ოფიციალურად იქნა მიღებული შეიარაღებაში ინდექსით 6П23.
კონკურსი რომელიც თავდაპირველად ჩატარდა 1970-ანი წლების დასაწყისში საინტერესო იყო იმით, რომ მასში მონაწილეობა მხოლოდ ორმა პისტოლეტმა მიიღო. ერთი გახლდათ ТКБ-087 (შემდგომში ცნობილი აღნიშვნით ПСМ), ხოლო მეორე გახლდათ ვ.ი. ბაბკინის (В.И. Бабкин) პისტოლეტი სამუშაო აღნიშვნით БВ-025.
დროშისებური მცველი ასევე მაკაროვის ანალოგიურად განთავსებული იყო საკეტ-გარსაცმის უკანა ნაწილში მარცხენა მხრიდან. ბაბკინის პისტოლეტმა გამოცდების დროს აჩვენა გარკვეული შეფერხებები, ასევე მისი დროშისებური მცველი იყო გამოშვერილი პისტოლეტის საკეტს მიღმა, რის გამოც იარაღის სიგანე (სისქე) შეადგენდა 20მმ-ს. ტაქტიკურ-ტექნიკური მოთხოვნების თანამხად პისტოლეტის სიგანე არ უნდა ყოფილიყო 18მმ-ზე მეტი. სწორედ ამიტომ იგი დამარცხდა კონკურენტ პისტოლეტთან (ТКБ-087 შემდგომში ცნობილი როგორც ПСМ), რომლის სიგანე (სისქე) შეადგენდა სულ რაღაც 17,5მმ-ს.
ტაქტიკურ-ტექნიკური მახასიათებელები (ტტმ) |
|
კალიბრი/ვაზნა: |
5,45მმ/5,45x18мм МПЦ |
პისტოლეტის სიგრძე: |
140 მმ |
პისტოლეტის სიმაღლე: |
100 მმ |
პისტოლეტის სიგანე (სისქე): |
20 მმ |
ლულის სიგრძე: |
70 მმ |
წონა (მასა): |
460 გრამი (ცარიელი მჭიდით) |
მჭიდის ტევადობა: |
8 ცალი ვაზნა |
No comments:
Post a Comment